8 Aldiz ikusita, 1 gaur
Uribe Kostako Mankomunitateak, Bizkaiko Foru Aldundiarekin lankidetzan, eskualdeko udalerri bakoitzean sortutako hondakinen azterketa sakona egin du maiatzean.
Zehazki, maiatzaren 17an Sopelako hondakinen karakterizazioa egin zen. Prozesua TMB hondakinak tratatzeko instalazioan egin zen, eta bertan Sopelako gainerako frakzio-edukiontzietan utzitako hondakinen ausazko analisia egin zen.
Azterketa hau egin duten teknikariek hondakin organikoa aurkitu dute gehien. Sopelako frakzio organikoaren banaketa oso handia izan da azken bi urteetan, baina gainerakoan frakzioan utzitako 100 gramotik % 27 edukiontzi marroiaren bidez konpostatu daitezkeen hondakinak dira.
Nabarmentzekoak dira, halaber, bilgarririk gabeko zur-hondarrak eta obra txikiak, guztien % 11,87 eta % 11,45, hurrenez hurren.
Uribe Kostako kaleetan urte gehien daramaten edukiontziak, hala nola plastikozko, beirazko eta paperezko ontziak biltzen dituztenak ere oso presente daude sopeloztarren zabor-poltsetan, eta hondakinen % 7 izan ziren ontzien kasuan eta % 4 beiraren eta paperaren kasuan.
Alderdi positiboenen artean, nabarmentzekoa da inausketa eta lorategi hondarren presentzia urria, lehen Sopelan arazo garrantzitsua zena. Hondakin horiek gordetzeko guneak irekitzeak eta herritarrak gero eta gehiago kontzientziatzeak aldaketa garrantzitsuak eragiten ditu gure hondakinen sorreran.
Hondakinei buruz gehiago jakin nahi baduzu, zer hondakin sortzen dugun, hauek birziklatzeko modua, etabar datorren ekainaren 2an informazio-stand bat jarriko da Udaletxeko plazan 10:00etatik 13:00etara. Eta egun berean, 17:00etan, eskala txikiko hondakinen karakterizazioa egingo da Urgitxietako plazan: tratamendu-instalazioan egindakoaren antzeko protokoloarekin, hondar griseko edukiontzian utzitako poltsak aztertuko dira eta tipologiaren arabera dagoena banakatuko da.
Gainera, egun berean, Urgitxieta plazan, 17:00etatik 19:00etara, Ingurumingururen edizio berri bat antolatukoegingo da, non 4 urtetik gorako haurrek estanpazio tailer batean parte hartu ahal izango duten. Haur txikienek ludoteka gune bat izango dute jolas eta liburuekin.
Animatu eta parte hartu ekintzetan!
