663 Aldiz ikusita, 2 gaur
2024ko urtarrilaren 17an eta 18an “la Caixa” Fundazioak antolatutako LABEMPRENDE gune ibiltariak Sopela bisitatuko du eta zure ikastetxeko ikasleekin parte hartzera gonbidatu nahi zaitugu.
“la Caixa” Fundazioak, EduCaixa programaren bidez, hezkuntza-baliabideak, -jarduerak eta -programak eskaintzen dizkio hezkuntza-komunitateari, haur hezkuntzako, lehen hezkuntzako, bigarren hezkuntzako, batxilergoko eta erdi-mailako heziketa-zikloetako ikasleei eta irakasleei zuzenduta, gazteenen gaitasun-garapena sustatzeko.
LABEMPRENDE ekintzailetza-laborategi ibiltaria da (autobusa), eta gune interaktibo eta multimedia bat du. Bertan, ikasleek ekintzailetza-jardueren, -testigantzen eta -proiektuen bidez ekiteari buruz hausnartu eta sakondu ahal izango dute.
LABEMPRENDE lehen hezkuntzako 6. mailako eskola-taldeei, bigarren hezkuntzako, batxilergoko eta heziketa-zikloetako maila guztiei eta familiei zuzenduta dago.
Bideratzaile batek gidatutako ibilbide bati esker, jarduera interaktiboak dituen multimedia-gune baten bidez, ekintzailetza-prozesua eta ekiteko beharrezkoak diren ezaugarriak eta balioak deskubritu daitezke. Ibilbidea bost eremutatik igarotzen da: Ekintzaileak gara, Begiratu, Pentsatu, Egin eta Hasi.
Doako tailerrek 90 minutuko iraupena dute gela bakoitzeko (24 ikasle gutxi gorabehera).
Non egiten da?
LABEMPRENDE gune ibiltaria Udaletxeko Plazan kokatuko da.
Bisitak adosteko eta datak erreserbatzeko, bai edo edozein kontsulta egiteko deitu 900 101 493 doako telefonora, erreserba egin dezazun edo informazioa jasotzeko. Bestela, bidali e-mail bat info@labemprende.com helbidera.