326 Aldiz ikusita, 2 gaur
Bizkaiko kostaldeko paraje paregabeetatik doan Kosta-Trail lasterketa solidarioaren hemezortzigarren edizioak, izena emateko epea irekiko du datorren astelehenean, martxoak 18, goizeko 9:00etan. Hiru modalitateetako edozeinetan parte hartzeko izena eman daiteke: Mendi Maratoi Erdia (21 km), Mendi Martxa (20 km) eta Familia Martxa (7 km).
Maratoi Erdian izena emateko prezioa 18 €-koa izango da mendian federatutakoentzat, eta 23 €-koa federatu gabekoentzat. Ibilaldietan, zailtasun ertainekoa mendiko martxaren kasuan eta irisgarria familiakoan, prezioa 6 €-koa da. Izena emateko epea datorren astelehenean, martxoak 18, goizeko 9:00etan hasiko da eta Maratoi Erdian parte hartzen dutenek maiatzaren 1era arte edo izena emateko epea amaitu arte izango dute. Martxistek, berriz, ekainaren 15era arte eman dezakete izena, baldin eta plazak lehenago agortzen ez badira.
Hitzordu paregabea, solidarioa eta iraunkorra
Kosta Trail itsas mailako lehen mendi lasterketa da, lurrezko, hareazko eta asfaltozko azalerekin. Gainera, urtero parte hartze handia izaten du. Horren erakusle da azken edizioan ia 4.000 pertsonak parte hartu zutela trail running eta mendi martxak maite dituzten pertsona guztientzat ezinbestekoa den hitzordu honetan.
Bere ezaugarri orografikoengatik hitzordu paregabea izateaz gain, hasiera-hasieratik elkartasuna ere protagonista izan da Kosta Trailen. Parte-hartzaile guztiei esker, antolatzaileek GaituzSport Fundazioak garatzen dituen programei emango diete bildutako diruaren zati bat, adin nagusikoak diren edizio honetako izen-emateen bidez. Fundazioak Jarduera Fisikoa eta Kirola sustatzen ditu gaitasuna duten eta ez duten pertsonen artean, baldintza berdinetan, eta haien bizi-kalitatea hobetuz.
Era berean, Kosta Trailek urtetik urtera jasangarriagoa izan nahi du, eta horregatik egin du ingurunean ahalik eta inpaktu txikiena sortzeko apustua. Erakundeak jasangarritasunaren aldeko neurriak ezarri ditu azken edizioetan, eta ekintza horiek ekainaren 16an mantenduko dira, hala nola plastikoen erabilera murriztea probaren aztarna ekologikoa murrizteko, eta martxistek autosufizientzian parte hartzea. Horrek esan nahi du pertsona bakoitzak bere ur-ontzia eraman behar duela berekin. Ekintza honek 12.000 plastikozko botilatxo ematea saihesten du, eta horrek, aldi berean, kamioien erabilera minimizatzen du ekitaldiaren alde logistikoan. Aurten ere, kamisetak emateko plastikozko 4.000 poltsa ez dira banatuko, paperaren erabilera murriztuko da eta zinta konpostagarriak erabiliko dira, berrerabil daitezkeen beste material batzuen artean.
Probaren informazio guztia www.kostatrail.com webgunean eta Facebookeko www.facebook.com/kostatrail, Twitter eta Instagram@kostatrail profiletan aurki daiteke. Bertan, parte-hartzaileek aholkuak, gomendioak eta sentsazioak trukatu ahal izango dituzte, baita berritasunak, fitxa teknikoak, araudia, ibilbidea, aurreko edizioen laburpena eta erakunde onuradunari buruzko informazio guztia kontsultatu ere.
