552 Aldiz ikusita, 1 gaur
Sopelako Udaltzaingoak urtarrilaren 2an hasitako ikerketa amaitu du, Loiola Ander Deuna kalean, mozketa-tresnak eta udalerriko argi-horniduraren kableatu ugari zeramatzan pertsona bat antzeman eta atxilotu eta gero.
Pertsona hori kableak eramaten antzeman eta gero, haren jatorria argitzeko polizia-ikerketak hasi ziren eta egiaztatu ahal izan zen Barrika udalerriarekin muga egiten duten bi eremutan, San Andres ermitaren ondoan eta Mendieta kalean kutxatilak ireki zirela eta inguruko argiteria publikoa hornitzen zuen lur-kablea moztu zela.
2024ko urtarrilaren 9an, pertsona hori berriro aurkitu zuten Sopelako anbulatorioaren ondoan eta gerturatutako agenteek egiaztatu zuten atxilotzeko eta espetxeratzeko agindua zuela. Hori dela eta, Udaltzaingoaren bulegoetara eraman zuten eta han ikertua geratu zen kableatua lapurtzeagatik. Getxoko ertzain-etxeko agenteek espetxean sartu zuten.
